WILLEMSTAD.- Skempi den kolaborashon ku bo korant faborito EXTRA a bin ta skohe tur e último simannan un ‘Kantika di Siman’ ku ta keda publiká riba e website di EXTRA.

Skempi e portal di músika Karibense tin su Tòp 30 ku semanalmente ta keda evaluá i den e siman aki un dje piesanan ku a keda mas skucha ta ‘Break Up, Make Up’ di Mason.

Mason ta un dje artistanan urbano ku no mester di niun tipo di introdukshon i e ta sigur un dje artistanan ku no ta drumi riba su karera musikal.

Despues di su último single “Shisha” i despues di a figura tambe riba e vershon sumamente popular di Titorasz “Mané mi ke”, Mason ta lansa algu mas pe damanan.

E kansion “Break Up Make Up” ta algu ku basta pareha ta pasa aden. Hopi biaha dos persona no ta klòp ku otro perfektamente pero tòg nan ta yena otro su bashí riba sierto aspekto nan. Ta bin pleitamentu i hasimentu bon bek.

Bishitá e website di EXTRA, www.extra-v2.mystagingwebsite.com i klik riba e flyer pa dje forma ei bo disfrutá di ‘Break Up, Make Up’ di Mason.