WILLEMSTAD.- Bruno Mars a resultá e gran ganadó di ‘Soul Train Awards’ ku a tuma lugá djadumingu último.
E kantante a gana 5 galardon, 1 pa mihó artista maskulino di R&B Soul, Kansion di Aña, Mihó Video, Mihó albùm/ mixtape i mihó presentashon di baile.
Toni Braxton a risibí e ‘Don Cornelius Legend Award’ i a interpretá un medley di su éksitonan di mas grandi.
Solange Knowles, e ruman chikí di Beyonce, a gana huntu ku Troy L. John i Raphael Saadiq e ‘Ashford & Simpson Songwriter’s Award’ pa e komposishon ‘Cranes in the Sky’.