KRALENDIJK –Tourism Corporation Bonaire (TCB) ta anunsiá ku djárason 5 di yüni benidero
Boneiru lo yama bon biní atrobe na buelonan direkto di AmericanAirlines i Delta Airlines for di Miami i Atlanta, markando un era importante
pa nos isla.
Tambe e ofi sina di turismo ta anunsiá introdukshon di un programa nobo di sertifikashon di negoshinan, ‘BonaireFriendlySafetySeal’
(BFSS).
Tèst na aeropuerto

Despues di un temporada basta largu sin operashon dor di e pandemia,
e dos kompanianan aéreo ta resumí nan buelonan tur siman riba djárason i djasabra
pa Boneiru.
Segun TCB, esaki ta un bon notisia, sigur pa bishitantenan di Merka ku ta anhelá pa bishita Boneiru, pero tambe pa e sektor turístiko i henter komunidat ku ta anhelá nan yegada.
TCB den kolaborashon ku Entidat Públiko di Boneiru (OLB), Bonaire InternationalAirport
(BIA), BonLab, Hestia, Bonaire HoldingMaat schappi j
(BHM) i Bonaire OverheidsGebouwen (BOG), a añadí e posibilidat pa hasi tèst antigéniko na Bonaire InternationalAirport mes, pa biaheronan ku no por òf no a logra hasi e tèst antigéniko, 24 ora promé ku nan biaha pa Boneiru.
Banda di e tèst antigéniko, biaheronan mester presentá un resultado negativo
di un tèst di PCR, ku nan a hasi pa mas tardá 72 ora promé ku yegada na Boneiru.
Òf nan por presentá solamente un resultado negativo di tèst di PCR òf
NAAT ku a laga hasi mas tardá 24 ora promé ku salida
pa Boneiru.
Pa biaheronan ku ta sali for di Boneiru, tin tres fasilidat na unda por hasi e tèst.

Seyo di oro

Pa sigurá mas aleu ku biaheronan ta kómodo ora nan bishitá Boneiru, TCB den kolaborashon ku Bonaire Hoteland Tourism Association (BONHATA) i OLB, ta lansa e programa: ‘Bonaire FriendlySafetySeal’ (BFSS). Pa negoshinan haña rekonosementu i risibí
e sertifikado BFSS, na tin ku kumpli ku diferente protokòl, reglanan i inspekshon
‘on-site’, ku personanan entrená ta hasi.
Ora ku e evaluadónan duna aprobashon, e negoshinan lo risibí e seyo di oro ofishal, ku nan tin ku pone visibel den e establesimentu.
Riba e wèpsait di TCB, www.tourismbonaire.com, tambe lo pone esaki di manera ku e e bishitantenan por rekonosé e partisipantenan fásilmente. BFSS lo sertifiká diferente negoshi entre otro akomodashon-, casino-, lugá- di hür outo, operador di tour, operador-aquatiko, taxi-, restorant-, trùk- di kuminda, pakus- i spa/salon.

Eksperensia agradabel

“Nos a spera ansioso riba regreso di e buelonan direkto for di Merka pa Boneiru i a usa e tempu pa konsentrá riba entre otro e programa nobo di sertifikashon BFSS, segun Marjolein Oleana, Business Manager na Tourism Corporation Bonaire. E medidanan akí lo sòru pa bishitantenan tin un eksperensia agradabel di bishita, pasobra nos kier yama
bishitantenan bon biní na un manera safe, responsabel i bon organisá.”