WILLEMSTAD.- Ayera nochi ‘DEN E BEMBE’ tabatin e oportunidat di a presensiá e presentashon di ‘Buena Bista BareBone Band’, un formashon musikal di studiantenan di Instituto Buena Bista ku hasiendo uso di instrumentonan trahá na man i instrukshonnan bibu riba algun karchi trahá di karton.
E tayer di músika ku a keda prepará pa e artista di residensia den e programa di Fondo Mondriaan, Paul Devens ta segun e método desaroyá den John Zorn su ‘Cobra’, kaminda e konduktor tin kontròl inmediato riba direkshon di e zonidonan.
Riba foto nos por apresiá presentashon dje studiantenan i tambe momentu ku públiko presente a haña oportunidat pa bai wak ta ki instrukshon tin skibí riba e karchinan di karton.