WILLEMSTAD.- Un funshon musikal ku instrumentonan trahá na man i instrukshonnan bibu: studiantenan di IBB lo presentá konhuntamente e resultado di un tayer di músika, presentá pa e artista di residensia den e programa di Fondo Mondriaan Paul Devens. Anteriormente e studiantenan a traha nan instrumentonan usando material ku nan a haña rondó di nan kaminda di traha i despues a praktiká riba nan, lesando instrukshonnan bibu riba algun karchi trahá di karton. Siguiendo e método aki, desaroyá den John Zorn su 'Cobra', e konduktor tin un kontròl inmediato riba e direkshon di e zonidonan. E studiantenan ta interkambiá e funshon aki. I pa buta e chèri riba e bolo, aktonan di sorpresa lo kompletá e show. Paul Devens ta e artista ku aktualmente ta di residensia na IBB; komo un artista ku ta traha den e área di músika i espasio, i ta investigá e parti históriko i sosial di e lokal. www.pauldevens.com E presentashon di ‘Buena Bista BareBone Band’ ta tuma lugá riba djaluna, 29 di òktober pa 6 or di atardi na Tera Café (Mathey Werf, banda di La Tentashon).




Laga un komentario