EL SALVADOR.- E popular luchadó konta gèngnan na El Salvador, Presidente Nayib Bukele, a huramentá pa un di dos término den e fin di siman ku a pasa. I den esaki el a pidi e pueblo pa dun’e “sosten inkondishonal”, ya ku su gobièrnu a anunsiá kaba ku lo bai tin mester di un remedi marga pa salba i mehorá nan ekonomia. Hisando su man den Palasio Nashonal den e kapital San Salvador, e presidente di 42 aña a huramentá den presensia di un multitut grandi ku a presentá pa sostené. Ku esaki tambe Bukele lo bai goberná e pais pa sinku aña mas i ku kasi e kontròl apsoluto den parlamento i otro institushonnan estatal, ya ku su ideanan nobo a dominá den enkuestanan legislativo despues di un periodo di lucha brutu i popular kontra gèngnan den kaya.
Bukele ku di un forma sigur di su mes ta deskribí su mes komo un “diktador stimá” ta gosando di un gran popularidat debí na su kampaña di man duru kontra gèngnan kriminal kual a trese trankilidat bèk den e komunidat. Pero den e mesun rosea e ta komparando e ekonomia ku un pashènt ku ta malu, pero ku lo bai tin mester di un remedi marga pa e restables’é.
