DETROIT, AP.- Un hues a ordená Volkswagen djabièrnè pa paga un but di 2.800 mion dòler den Merka pa manipulá pruebanan di emishon kontaminante den su vehíkulonan diesel, despensá di aprobá e akuerdo ku gobièrnu a negoshá ku e fabrikante akusá di “kometé froude na gran eskala”.
Durante e oudiensia, e hues federal Sean Cox a tuma e desishon alkansá entre empresa i fiskal mediante kual VW a deklará kulpabel seis siman pasa. E kompania a deklará kulpabel di konfabulashon i opstrukshon di hustisia den un kaso ku ta involukrá kasi 600.000 vehíkulo diesel den Merka.
E unidatnan tabata programá pa sende kòntròlnan di kontaminashon durante prueba di emishon i paga esaki pa laga e emishon bolbe na su estado normal despues di inspekshon.
Cox a señalá ku e ta sorprendé ku VW a kometé un delito asina.
Den forma separá, Volkswagen a aseptá pa paga 1.500 mion dòler den un kaso sivil presentá pa outoridat gubernamental i destiná 11.000 mion pa bolbe kumpra vehíkulonan i ofresé indemnisashon.
Ademas di esaki, shete empleado a wòrdu akusá di delito den Merka, pero sinku ta den Alemania i su ekstradishon no ta probabel.
Cox a pidi e gobièrnu aleman pa “sentensiá esnan responsabel di e froude intenshonal riba gran eskala ku a daña un kompania di outo emblematiko”.
