WILLEMSTAD.-  Djamars awor dia 12 di desèmber, C.Y.M.F. i Cross Over Gospel Choir lo tin nan konsierto di fin di aña pa yama danki i duna bon deseo riba Freewinds, di 8.00 PM pa 10.00 PM.
“Bin selebrá huntu ku nos”, asina e bosero di C.Y.M.F. i Cross Over Gospel Choir ta invitá pueblo di Kòrsou.
Habri bo temporada festivo disfrutando di un konsierto di kalidat den un ambiente sumamente apropiá. Ya kaba Freewinds a transformá su barku den ambiente di ‘Winter Wonderland’.
C.Y.M.F. i Cross Over Gospel Choir, bou di direkshon di Toni Worrell, kompañá pa Freewindsband, lo sòru pa e espektákulo musikal.
Karchi ta optenibel yamando 465-3582,  +59995282404 òf 677-6497. Pa solamente 30 florin  lo bo por gosa di un tremendo ambiente di fin di aña.
Bin selebrá huntu ku nos. Bo Pasku felis i un aña 2018 yen di espektativa!