WILLEMSTAD.- Ayera tardi na ofisina di C3, Critical Communication Caribbean, situá na Margrietlaan 15, Emmastad, a firma un kontrakt pa asina duna nan koperashon na Karnaval kompleto pa e temporada 2019.
Esaki ta den forma di “Pòrtofon” nan ku lo bai wòrdu usá durante di tur e marchanan di Karnaval. C3 ta ofresé nos Komunikashon Instantáneo.
Riba e foto nos por tuma nota di e momento di firma e akuerdo entre sra. Leidy Girigori, Regional Sales & Marketing Manager, sr. Harry Huijzers, Chief Financial Officer  i tambe sr. Hubert “Juni” Aniceta, Presidente di Fundashon JAG.
Pa Fundashon JAG ta un gran apresio e “partnership” aki ku C3 pa asina duna un man mas pa engrandesé nos Karnaval.