WILLEMSTAD.- Direktiva di AMAK ku sumo plaser kier duna honor i rekonosimentu na un gran baluarte musikal ku a militá den vários agrupashon musikal aki na Kòrsou, ku te e gran basista, Cachimbo.
Cachimbo ta e nòmber artístiko di Angel van de Berg, ku dia 7 di desèmber próksimo, lo kumpli e bunita edat di 90 aña.
Durante su añanan komo músiko aktivo, Cachimbo a militá den vários agrupashon musikal popular di añanan 50, 60 i 70, i aki nos ta referí na Conhunto Cristal, Conhunto San Hosé i Jóvenes del Caribe.
Djaweps awor 7 di desèmber den seno familiar lo tin un selebrashon ameno, i su deseo ta pa Sra. Mafalda Minguel kanta algun número pe.
Di parti mundu farandulero, miembronan di AMAK i tur amante di músika, Cachimbo, masha pabien i hopi aña mas di bida i salú.