MERKA.- E rapper di 26 aña, Cardi B a keda nominá na 21 okashon pa Billboard Awards 2019. E artista ta kompetí den kategorianan manera artista di aña, mihó artista femenino, mihó albùm Billboard 200 pa su disko ganadó di Grammy ‘Invasion of Privacy’, aserka e ta nominá tambe pa su éksito # 1 ‘I like It’ ku J Balvin i Bad Bunny i ‘Girls like You’ ku Maroon 5.
Cardi B ta figura tambe dòbel den kategorianan mihó kansion di Hot 100, kansion mas bendí i mihó kolaborashon.
Otronan ku tambe a keda nominá ku basta nominashon ta Drake i Post Malone, kada un ku 17 nominashon. Ambos ta kompetí durante dje anochi pa e honor máksimo ku ta e mihó artista ku Cardi B, Ariana Grande i Travis Scott ku a risibí 12 nominashon.