WILLEMSTAD.- Djamars a introdusí CARIFLIX den Karibe, despues ku den apénas 3 siman di tempu, CARIFLIX a yega kasi 60 mil downloads di kual mas di 11 mil usuario registrá.
Den siman di 21 di ougùstùs a presentá e programa CARIFLIX (app) na representantenan di Caribbean Broadcasting Union (CBU) durante di e di 48 asamblea general. E islanan di den Karibe a reakshoná masha entusiasmá riba e produkto nobo aki i a ekspresá nan satisfakshon ku yegada di un aplikashon asin’aki, kaminda tin atenshon nesesario pa e produkto Karibense na promé lugá. Despues di e presentashon general di CARIFLIX, a sigui diferente kòmbersashon individual, ku paisnan/islanan ku kier haña partisipashon den e aplikashon aki, kaminda nan tambe por pone nan kontenido riba e aplikashon aki.
Meskos ku tur media lokal di Kòrsou por hasi uso di CARIFLIX, asina tambe tur media di Karibe por hasi uso di e aplikashon aki.
Ta un echo ku e aplikashon CARIFLIX a yega i pega.
E próksimo aktividat grandi di Cariflix lo ta lansamentu di e dokumental “Desnudes Sin Sensura” djaweps 31 di Ougùstùs. Ekspektativanan pa e dokumental aki ta altísimo i tin tur indikashon di lo kibra tur rekòr na Kòrsou.
Promé ku e fecha di lansamentu di “Desnudes sin Sensura”, e aplikashon di Cariflix pa Roku tambe lo ta kla.
Download Cariflix for di App Store òf Google Play òf bishitá e website www.cariflix.com.
Despues di e eksitoso presentashon di CARIFLIX na Karibe, awor ta sigui demonstrashon di CARIFLIX na Aruba, Boneiru i Isla Ariba.
CARIFLIX ta sigui ekspandé su alanan.