MERKA.- Awe Carlos Santana ta kumpli 70 aña. E artista mehikano/ merikano ta selebrando su kumpleaño sin nunka a stòp di presentá durante di konsiertonan i kla pa lansa su albùm nobo huntu ku streanan di ‘The Isley Brothers’.

Den un entrevista resientemente ku e revista Rolling Stone, Santana a informá ku ‘Power of Peace’ su produkshon musikal nobo lo ta riba merkado otro siman, 28 di yüli 2017.

E ta pendiente tambe pa kaba di produsí otro albùm ku lo hiba di título ‘Global Revelation’ produsí huntu ku e produktor, Rick Rubin i ku ta duna komo referensia e zonidonan afrikano ku lo dominá den e produkshon aki.