WILLEMSTAD.- Djabièrnè último, grupo di Karnaval ‘Carnival Republic Curaçao’ a estrená nan trahe pa Karnaval 2018.
Durante shoumentu di Carnival Republic su trahe pa Karnaval 2018 na The Perfect Landing Poolbar i Restaurant den Airport Hotel por a tuma nota ku e tema ta tempu. Un trahe ku bo ta mira ku a pensa bon kon tin ku akabá esaki i trese e tema di un manera masha bunita. E kombinashon di koló ku a wòrdu usá ta hala bo atenshon mesora.
Tambe e front di e banda ku ta kompañá Carnival Republic pa Karnaval 2018 tabata presente, kual ta Orkesta Vega. E front ta konsistí di Willo, Chemsz, Rasta Le i Ori Frans. Ori Frans a kaba di djòin Orkesta Vega i lo hasi su debut pronto.
Aktualmente Carnival Republic tin un kampaña pa 2018 i lo dura te ora e 100 lugánan kaba. E promé 100 partisipantenan ku inskribí i paga 200 florin, lo bai Karnaval 2018 pa 1.000 florin, preis normal ta 1.250 florin. Hasi lihé i probechá di e kampaña ku ta limitá na 100 partisipante. Wak pa bo no keda afó!
Pa mas informashon subi Carnival Republic su FB-page (Carnival Republic Curaçao) i keda on di tur informashon di Carnival Republic. Tambe por app, sms òf bel 528-5884 òf 516-8507. Carnival Republic... ‘Street Chic’.