NASHVILLE, MERKA.- Carrie Underwood i Blake Shelton a resultá e gran ganadónan di Country Music Television Awards ku a tuma lugá na Nashville.
Shelton a gana dos galardon, video di aña i mihó video maskulino. Underwood di su banda por a bai kas ku e galardon pa mihó video femenino. Ku e galardon aki, Underwood ta risibí su di 18 CMT Award i bira mesora e artista ku a gana mas tantu galardon di CMT Awards.
E momentu ku Underwood a bai risibí su premio tabata pa promé biaha ku a mira e artista for di despues ku el a kai for di trapi den luna di Novèmber 2017. Ku e kaida e kantante di músika Country a kibra su pòls i risibí diferente leshon. Su leshonnan a pone ku e mester a risibí 40 pa 50 ‘ganchu’ i tabata obligá pa keda algun luna sin presentá.