Casandra Martha

Ku doló profundo nos ta anunsiá fayesimentu di

Casandra Martha

destakadó fundadó i miembro di e hunta di direktiva di Muhé Uniformá Armá (MUA), di fundashon Aliansa i Dedima. Nos ta reflekshoná riba su legado ekstraordinario i e impakto inmenso ku esaki tin riba nos komunidat.

Su kompromiso grandi ku e derechi di hende muhé i otro gruponan oprimí a inspirá hopi hende di tur nivel di sosiedat. Bou di su liderazgo organisashonnan a hasi logronan remarkabel, basá riba un vishon stratégiko, kompashon i un étika di trabou inkansabel. Su personalidat, integridat, generosidat i su kerensia den virtut i e transformashon di hende ta pilarnan importante ku a krea kambio den nos sosiedat.

Su fayesimento ta nifiká un pèrdida grandi pa sosiedat sivil i hinter komunidat. Mientras nos ta rou pa e pèrdida di Casandra, na mes un momentu nos ta selebrá i honrá su bida i su herensia ku e la laga patras. Su spiritu ta keda un lus den e lucha pa igualdat i hustisia sosial. Den e lus aki nos lo sigui defendé e prinsipionan ku e la para pe.

Casandra sosegá na pas.

DEDIMA, Steering Committee, CAFRA, SEDA, Aliansa
Amnesty International, Nihaila House i Bos di Hubentut