Portland-. Deporte EXTRA  a kombersá ku e prospekto number 1 di Kòrsou den Liga Menor ku ta Ceddanne Rafaela. E pelotero prospekto di Boston Red Sox,ta den un gran momento pa loke ta trata su karera.

E promé kos ku Ceddanne a señalá ta ku e la krese tantu den tereno i pafo di tereno den su periodo komo pelotero profeshonal. Awor aki mi ta mira mi beisbòl a bai hopi dilanti i tambe ma madurá hopi durante e último añanan.

Ceddanne a para ketu riba e echo ku e no a firma pa hopi sèn. El a bisa ku for di trempan el a bisa ku e echo di no a firma pa tiki sèn no a strobe . Mi tabatin mi meta kla ku lo mi bai traha duru pa mi logra mi meta e talentoso prospekto a trese dilanti.

E último 2 temporada Ceddanne a bisa di a mira bèk un kresementu enorme den su beisbòl. Algu ku e ta bisa ku el a logra danki na algun preparashon físiko ku el a hiba durante e aña ku Liga Menor a para pa motibu di pandemia.

Riba e pregunta ku si e ta sinti ku e por hunga shortstop i centerfield komo pelotero di Liga Grandi, Ceddanne a bisa ku si i ku e mènedjer di Boston Red Sox Alex Cora a bisé pa keda hasi esaki. Asina lo mi por yega Liga Grandi  mas lihé Ceddanne Rafaela a siguí bisa.

Riba su tremendo temporada 2022, Ceddanne Rafaela a bisa ku esaki ta danki na preparashon den lunanan despues di temporada. Ma train duru pa e temporada aki pa bon i mi a logra e talentoso prospekto a bisa.

Otro di su atributonan ku e organisashon di Red Sox gusta ta esun di su velosidat. Nan gusta kon mi ta kore base i kon agresivo mi ta riba base Ceddanne a bisa .

Pa Ceddanne ta un honor pa representá Kòrsou den e All-Star Futures Game. Ta algu grandi pa siguí tur e gran peloteronan di Kòrsou den e All- Star Futures Game.

Na final e pregunta tabata kon leu bo ta kere bo ta for di Liga Grandi?

Ceddanne a bisa asina aki: Mi ta mas serka pero mi no ta bai laga esaki ta e úniko pensamentu den mi kabes . Mi ta bai siguí traha duru pa ora e momentu aki yega mi hasi  Kòrsou i mi famia orguyoso.

Awe Ceddanne lo ta den akshon den All- Star Futures Game 7 or di anochi na Dodger Stadium.