REPUBLICA DOMINICANA, AP.- Paisnan di Amérika Latino i Karibe ta buskando den nan di 5 kumbre di presidentenan pa yega na pasonan pa enfrentá e ola di medida protekshon i anti migratorio, inkluyendo e plannan di presidente merikano Donald Trump.

“Mundu kompleto lo sali pèrdí si Oropa, China i Merka tuma e modelo di represaya  ku den pasado a sirbi solamente pa krea pobresa”, asina e presidente dominikano Danilo Medina a bisa na inougurashon di e enkuentro Celac.

E di 5 kumbre di komunidat di estadonan latinoamerikano i karibense kaminda a asistí solamente 10 presidente i dos promé minister di e grupo di 33 nashon lo kaba djárason nochi den e kompleho turístiko di Bavaro, den e ekstremo oriental di República Dominicana.

“Amérika Latino tin di ta awor mas ku nunka uní pa enfrentá menasanan”, asina e mandatario venezolano Nicolás Maduro a bisa na periodistanan na su yegada na e hotèl. El a nenga na referí di forma spesífiko na e plannan komersial i migratorio di Trump.

E region regional lo tuma lugá na momentu ku e presidente merikano nobo tin intenshon di emití ayera mes órdennan ehekutivo den asuntunan migratorio, manera su proyekto di konstruí e muraya na frontera ku México.

Den su diskurso inougural Medina a mustra su preokupashon pa e posibilidat di ku diskurso kresiente di protekshon i seramentu di frontera no limitá den e ámbito ekonómiko sino e lo tin konsekuensianan grave riba nan poblashon migrante.

...Lidernan di El Salvador e presidente Sanchez, di República Dominicana presidente Medina, di Ecuador presidente Correa i di Cuba presidente Raul Castro...