WILLEMSTAD.- Chaika i Dopie a drenta studio i produsí huntu ku Zurich Music algu ku sigur tin un otro ‘flava’, sabor di loke tin aworakí den kaya.
E komposishon titulá ‘Bo ta Otro’ a keda produsí pa Zurich Music. E kansion ta un funshon sensual di Dancehall i Trap. E stèmnan di Chaika i Dopie ta kombiná perfektamente riba e kansion nobo aki i ta pèrkurá pa laga e skuchadó kai den un ‘vibe’ dushi.
Chaika ta hopi aktivo den studio di grabashon, ‘Bo ta Otro’ ta djis un preámbulo di loke por spera di dje. Segun informashon pa otro luna Chaika ta pendiente pa lansa loke ta ser denominá komo un ‘Mònster’. ‘Bo ta otro’ ya a kuminsá zona na radio.