WILLEMSTAD.- Resientemente Chaika Danoutah a firma ku un kas diskero establesé na Ulanda bou dje nòmber ‘Rotterdam Airlines Music Group’.
Despues di un temporada kòrtiku den studio, Chaika tei bek anto e biaha aki ku hopi ‘Saus’.
Chaika a bolbe traha ku e produktor Getamilli i huntu nan a bin ku algu fresku. E kansion nobo ta titulá ‘Saus’. Den e vershon aki Chaika ta mustra ku aparte di kanta e tin talento pa rap i ku e por dominá diferente estilo.
E kansion ta un ‘beat trap’ komersial ku ta konta ku kolaborashon di e artistanan Deyon i Kempi. E videoclip ofisial di ‘Saus’ ya ta riba youTube.