SANTIAGO, CHILE, AP.- Presidente Michelle Bachelet a bisa ku e lo anunsiá medidanan pa enfrentá e krísis di un organismo estatal kaminda bou di esaki su kuido, sentenar di mucha i adolesente a fayesé den último dékada. Esaki a impaktá e sosiedat chileno.
“Komo sosiedat i komo estado nos a faya ku e hóbennan aki i muchanan mas vulnerabel”, asina e mandatario a atmití den un mensahe riba facebook i kaminda antisipá medidanan sin drenta den detaye. E mensahe di bachelet ta tuma lugá despues ku e direktor di Servisio Nashonal di Ménos, Solange Huerta, a revelá ku 865 mucha i menor a muri den último añanan.
Huerta no a menshoná kousanan di morto di e beibi i adolesentenan ounke informenan anterior a atvertí múltiple defisiensia den e servisio. Esaki a inkluí falta di personal i situashonnan no saludabel.
E sifranan a superá registronan publiká pa outoridat di hustisia.
