BEIJING, AP.- China a defendé e proseso mediante kual el a otrogá lisensianan na yu di presidente di Donald Trump pa hasi negoshi den e pais, afirmando ku tur e solisitutnan aki ta tuma lugá di forma imparsial.
AP a reportá djamars ku Ivanka Trump a haña aprobashon pa bende por lo ménos sinku marka na China for di momento ku su tata a asumí presidensia den yanüari.
Tres di e aprobashonnan a wòrdu hasi dia 6 di aprel, e mesun dia ku Ivanka Trump i su kasa tabata sinta banda di lider chines Xi Jinping, den un sena na resort di Trump na Florida.
E bosero di Ministerio di Relashon di Eksterior di China, Lu Kang, a bisa djárason ku China ta mantené na normanan na momentu di otorgá lisensia.
Lu a bisa ku “kisas sierto medio di prensa ta eksaherá e situashon ku redusí i insinuá ku tin algu inapropiá andando, pero nan lo no prosperá”.
Aparte di e markanan aprobá resientemente di manera provishonal, Ivanka Trump Marks LLC tin 16 marka registrá na China i mas di 30 solisitut pendiente, segun e Agensia di Registro di Marka di China. Tin otro paisnan kaminda e negoshi di Ivanka Trump tin markanan pendiente. Esaki ta inkluí Hapon, México, Turkia, Israel, Canada, i Saudi Arabia.