MERKA.- Ounke ku e no a duna lus ainda di su di dos yu, Chrissy Teigen ke un di tres yu. Huntu ku su kasá, John Legend e tin e deseo pa un di tres yu pa nan famia.
‘Mi lo preferá di haña nan tur un tras di otro, pa dje forma ei nan tin un diferensia chikí den edat i pa mi por haña mi figura bieu bèk’, asina Chrissy a ‘joke’ den un entrevista.
‘Laga nan bin, p’ami ta great’, asina Chrissy a bisa. Su kasá, Legend ta loko ku e kurpa embarasá di su kasá. ‘E ta hañ’é un lokura ora ku mi ta na estado. E gusta tene mi barika i ke tei tur ora pa nos. Di mi amiganan mi a tende ku esei no ta bini di mes i ku mi mester ta masha kontentu ku un hòmber ku ta biba ku e embaraso.
Pa loke ta trata e nòmber dje yu hòmber ku ta pendiente pa nase nan no a disidí un nòmber ainda. ‘No, esei no ta disidí ainda. Dia ku nos yu muhé, Luna a nase, nos a disidí na último momentu kon su nòmber lo ta. Pa e mucha hòmber nos ta hañ’é difísil pa skohe un nòmber atraktivo. Mi ta kere nos mester mir’é promé ku nos dun’é un nòmber. Nos a pensa riba algun nòmber, pero despues e nòmber no ta kuadra kuné. Nos ta sali afó!’.