WILLEMSTAD.- Djasabra anochi den Teatro Luna Blou na Zona Kultural a tuma lugá e elekshon di Mr. Teen Turismo i Mr. Turismo.
Un bon públiko a presensiá e elekshon kaminda hóbennan a demostrá nan talento i tambe presentashon relashoná ku Turismo.

Mister Teen
Den e kategoria di Mister Teen e ganadó apsoluto a resultá Shurvan Catalina. Komo promé finalista a keda Jo-endrick Lourens i segundo finalista: Eduard Bermudez ku a keda eligí tambe komo ‘Mister Fotogéniko’.

Mister Turismo
Den e kategoria di ‘Mister Turismo’ e ganadó a resultá Christiaan Felicia ku a gana premio tambe pa su ‘Trahe Marinero’. Sandro Melfor a resultá e promé finalista, Angelo Valdes e di dos finalista i Engelbert Kramers e di tres finalista.
Riba fotonan ku ta kompaña e artíkulo nos por tuma nota di momentu di premiashon.