WILLEMSTAD.- Ayera tardi a tuma lugá na Hòfi Fidel na Sta. Catharina e kompetensia di ‘Mara Lensu 2019’. Incredible Decor bou di direkshon di Shurendi Pieternella tabatin na nan enkargo e organisashon i kordinashon di e kompetensia ‘Mara Lensu 2019’.
Siman pasá Shurendi a organisá un tayer kaminda 21 persona a partisipá i nan 21 ayera a kompetí den 5 kategoria di maramentu di lensu.
Ounke e kompetensia a kaba mas lat di loke ku a antisipá mester bisa ku e públiko si a disfrutá di e kompetensia i tambe e ambiente di Hòfi Fidel. Grupo Kompèr i Kantadó Mayó 2019, Sharrel Denisia a pèrkurá pa e animashon.
Premiashon
Lensu Propio 2019: di dos finalista: Jeanahaira Dossett; 1e finalista: Christine Dania i Lysette Pinedo a resultá e ganadó.
Lensu Afrikano 2019: di dos finalista: Sandra Kook; 1e finalista: Christine Dania i ganadó: Jeanahaira Dossett.
Lensu UTS 2019: di dos finalista: Christine Dania; 1e finalista: Jeanahaira Dossett i ganadó: Valeska Felipa.
Lensu MCB 2019: di dos finalista: Valeska Felipa; 1e finalista: Jeanahaira Dossett i ganadó: Christine Dania.
Lensu Landsloterij 2019: di dos finalista: Valeska Felipa; 1e finalista: Jeanahaira Dossett i Christine Dania. Riba foto algun momentu durante di premiashon.