WILLEMSTAD.- Djaluna 29 i djamars 30 di òktober próksimo, 50 mucha tantu mucha muhé i mucha hòmber for di  4 aña bai ariba por bin ku nan mayornan na Kids Paradise na Rooseveltweg pega ku Roosevelt Center pa inskribí pa e tremendo ‘Christmas Paradise Fashion Show by Kids Paradise’ ku ta tuma lugá na WTC dia 9 di desèmber 2018.
Tur esaki ta den preparashon pa e selebrashon di 60 aña Barbie ku ta bai tuma lugá awor na mei 2019  i ku Kids Paradise ta bai selebrá esaki huntu ku tur e muchanan aki na Kòrsou.
Pa e Christmas Paradise Fashion Show aki, tur mucha por partisipá tambe pa esnan ku nunka a yega di modelá i e mamanan hóben ku tambe ke partisipá modelando un di e bistínan di Kids Paradise por, debí ku tin sizenan pa e tiner i e damanan tambe.
Nos flamante modelo alabes Miss Barbie, Rowena Clementia ta bai siña tur e partisipantenan modelá kana bunita i presentá den un tremendo Fashion show ku e kantantenan Angely Francisco, Lissan Thomasia, Gian van Eiker ku ta nos Rei di Tumba Hubenil 2018 i Dante Marcano ku su bos di Oro i algun kantante mas.
Julliane Tenorio ta bai kordiná baile i Danny Yanga ta na enkargo ku e preparashon ‘overall’ i supervishon di e show ku ta garantia pa un espektákulo sin igual. Kids Paradise ta bai laga tur ku bin presensia e Fashion Show aki hopi enkantá di mira e muchanan presentá e kolekshon spòrtif, kasual i bistínan pa e fiestanan benidero di fin di aña.
Roosevelt Center ta bai sòru pa e dekorashon ta den un dushi ambiente di Pasku.
Pa inskribí por pasa solamente riba djaluna 29 i djamars 30 di òktober entre 3 or pa 6 or di atardi na Kids Paradise.
Tur bishitante ku bai presensia e show, nan tarheta di entrada, ta representá un tarheta di deskuento di Kids Paradise. Pa mas informashon por yama Ruth na 560-6225.