WILLEMSTAD.- Edishon number 40 di Festival di Tumba Hubenil di Kòrsou a resultá un éksito rotundo. E tim bou di direkshon di Heinrich Pieter a sa di produsí un tremendo Festival di Tumba Hubenil djasabra último.
E presentashon di e hóbennan tabata riba nivel i e show riba su mes a keda bon presentá. Tin foutnan chikí ku a tuma lugá, pero ora bo evaluá e organisashon a hasi un tremendo trabou. Kompañamentu musikal di tantu Dolce Band komo Excellence Band tabata bon.

PREMIASHON
Kantante mas popular i mihó aktuashon a resultá Zouk’aino Jacobs. Premio pa Mas Dinámiko i Premio Estímulo a bai pa Kira Suky Marie Bakhuis. Premio Disiplina a ser ganá pa Britney Augusta. Premio pa Mihó Bos i Tumba ku Mihó Areglo a bai pa Chrysander Leonora. E tumba ku mihó letra a keda presentá pa Darlisha Valks.

FINALISTANAN
Terser finalista a resultá Aaliyan Heyliger. Darlisha Valks a keda premiá komo Segundo finalista. Premio pa promé finalista a bai pa Zouk’aino Jacobs. Rei di Tumba Hubenil 2020 a resultá Chrysander Leonora. Pabien na tur e hóbennan ku a kai den premiashon.