WILLEMSTAD.- E próksimo edishon di CIFFR lo ta di 5 pa 10 di aprel 2019. Pa un sorto di ‘kick off’ di e temporada CIFFR riba djasabra 26 di yanüari 2016 lo presentá na The Cinemas e pelíkula ‘Rojo’ p’asina bo por kuminsá pruf di e selekshon di pelíkulanan ku lo trese pa bo den e próksimo edishon. Entrante awe ta kuminsá bende karchi na The Cinemas.

ROJO
Mei mei di añanan 70 un estranhero ta yega un siudat trankil den un provinsia. Den un restorant, sin ningun motibu, e ta kuminsá ataká i insultá e konosido abogado Claudio. Komunidat ta sostené Claudio, nan ta humiy’é i ta kuri kuné na mal òrdu. Mas lat, riba kaminda pa kas, e estranhero ta warda riba Claudio i su kasá, ku ta determiná pa tuma un vengansa kruel riba Claudio. E abogado ta hañ’é den un hanchi sin salida, di morto, sekreto i silensio.
Benjamin Naishtat su obranan ta mas bien obranan fiktisio kòrtiku manera El Juego (2010), ku a keda selekshoná pa Cannes Cinéfoundation, i tambe otronan ku tin kontenido mas bien eksperimental, manera Historia del Mal (2011), ku a partisipá na Rotterdam i tambe den diferente otro eventonan internashonal.
Su promé pelíkula, Historia del Miedo (History of Fear, 2014) a partisipá den Film in Progress 24 (San Sebastian 2013), a partisipá na Festival di Berlin i tambe den Horizontes Latinos na 2014. Su di dos pelíkula a partisipá den Cineasti del Presente, den e Festival di Locarno.