WILLEMSTAD.-Djárason atardi un boto di pasahero ku 57 turista na bordo a haña su mes den problema ora e tabata nabegando di Klein Curaçao bèk pa Kòrsou i mester a bati alarma serka Rescue Coordination Center (RCC) ku na nan turno a alertá CITRO.

Sin kapasidat pa stür i riba 1 motor e boto tabata na un distansha di solamente un par di shen meter for di kosta di Oostpunt. Pa 17.20or CITRO a sali ku e boto di reskate Dick Braakman pa Oostpunt, sigui 10 minüt despues pa e otro boto di reskate C-Resue1.

C-Rescue1 a keda nabegá huntu ku nan pa vigilá ku tur kos ta bai bon. Un ora despues por a mara e boto aki sin mas problema na e pir di Sta. Barbara ku yudansa di ambos boto di reskate.

Djaweps atardi CITRO mester a bolbe drenta den akshon despues ku un boto di bela di 62 pia a bati alarma pasombra nan tabatin problema di motor ku no kier a start. Nan a pidi asistensha di CITRO pa yuda drenta bahia di Spaanse Water.

Lesa EXTRA mayan pa mas detaye.