Clara Juliana Toppenberg-Silié

Gradisimentu i Invitashon
Yunan, nietunan, rumannan i demas famia di defuntu

Clara Juliana Toppenberg-Silié
mihó konosí komo JEANA TOPPENBERG un
Baluarte di bario di Suffisant

Ta gradisí tur persona ku a duna nan sosten i atenshon durante e periodo kòrtiku di su enfermedat i fayesimentu. Tur esnan ku a bishit'é na kas i den hòspital. Danki pa tur e sosten di forsa duná na nos famia via di telefòn, medionan sosial i den persona. Tur su bon bisiñanan i damesclub Edma. Boso atenshon tabata un gran konsuelo pa nos. DANKI. I un danki speshal ta bai na Marijke Hooi, Wit Gele Kruis Alfahulp, Wijkverpleging i su dòkter di kas dr. Heerenveen. Djárason 21 di yüli 2021, pa 6'or di atardi lo tin un Santu Sakrifisio di misa na Misa di Suffisant pa nos defuntu stimá. Por fabor aseptá esaki komo un invitashon pèrsonal.