Claudette Lucille Scharbay

Ku hondo pena, direktiva di SITEK ta kumpli ku deber tristu di anunsiá fayesimentu di

Claudette Lucille Scharbay,
eks dirigente di Helfrich Kleuterschool,
miembro di SITEK tur tempu, eks miembro di direktiva i te na final di su bida shopsteward

Famia SITEK lo keda rekordá Claudette pa su sonrisa i simplesa di semper, komo ehèmpel bibu pa generashonnan di trahadó den edukashon. Famia SITEK ta gradisí Claudette pa e añanan ku e la dediká na e lucha di SITEK i ta deseá su famia, amigu i konosínan forsa ku pèrdida di nan ser kerí.
Claudette, sosegá na pas. Ba kumpli ku bo mishon.
Akto di despedida di Claudette ta tuma lugá na Krematorio Krefona na Brievengat, djamars 18 di yüni di 9or pa 10.30 mainta i pa 11or lo tin un respòns.