WILLEMSTAD.- Djasabra 5 di mei P.W.F.C. lo ta bai ta esenario di e konsepto úniko yamá CLUB AMERICANA. E organisadónan di Su’Legria, un evento di muzik di house/dance ku anual ta trèk por lo ménos 5000 hende na Kleine Werf, ta bini ku e konsepto baliabel, íntimo, elegante i ku un tremendo “line-up” di artistanan lokal i internashonal. E rumannan Martel huntu ku Brugal i Amstel Bright a demostrá na vários okashon di organisá eventonan ku ta kibra tur rèkòrt. Awor a yega ora pa algu inovativo. Club Americana, un konsepto úniko i baliabel inspirá dor di Havana i Miami den añanan 50 i 60 ta hiba bu bèk den un tempu glamuroso, elegante i kaminda tin un esfera di biba i laga biba. P.W.F.C. lo wòrdu transformá den un fantasia di un klup nokturno den e époka di mambo. E anochi aki lo ta un anochi eksklusivo kaminda “entertainment” i eksklusividat ta na promé lugá. Club Americana ta bai ta esenario pa e tremendo agrupashon musikal Grupo Extra. Pa koroná e obra tambe lo bai tin presentashon di artistanan lokal manera e banda lokal K’Ribe, dj El Fuerte, dj Iski (El papa de los helados) i dj Laennon. E promé sèt di karchi na tarifa redusí lo ta optenibel for di djaluna 23 di aprel na Mensing’s Caminada i 24 uur uit de muur. Tuma nota ku karchinan na e tarifa redusí ta limitá. Pa mas informashon tokante benta di mesa i karchi manda un mail na vip@sulegria.com. 5 di mei ta bai bira “Una Noche Perfecta”! No pèrd’é! Pa reservashon di mesa i pa mas informashon yama +5999 5104925 òf manda un e-mail pa vip@sulegria.com