WASHINGTON, AP.- E eks abogado personal di Donald Trump a bisa djárason ku e presidente di Merka ta ‘rasista’. Cohen a bisa ku el a skucha Trump bisando ku esnan koló skur “hamas lo vota p’e dor ku nan ta demasiado bobo”.
Trump a rechasá e akusashonnan di rasismo i a bisa ku “hamas mi a usa ekspreshonnan rasista”.
Cohen a deklará ku el a pone Trump na altura ku WikiLeaks tin intenshon di publiká e-mailnan perhudisial pa e kandidato demókrata Hillary Clinton durante e kampaña presidensial di 2016.
Den su deklarashon prepará di antemano, Cohen a bisa ku e tabata den Trump su ofisina na 2016 na momentu ku el a risibí un yamada telefóniko di Roger Stone, un asesor. Segun e abogado, Stone a bisa Trump ku el a kombersá ku Julian Assange, e hefe di WikiLeaks, i ku tabatin un “filtrashon masivo” di e-mailnan perhudisial pa e kampaña di Clinton. E deklarashon di Cohen ta kontradesí loke e presidente di sigurá, pues ku e no tabata na altura di esakinan.
Cohen a bisa ku e lo no aseptá un indulto di e presidente si akaso Trump ofresé esaki. El a aklará ku e mes no a pidi pa un indulto.
