BOGOTA, AFP.- E gobièrnu di Colombia a pidi Panama pa fasilitá e entrada via di su teritorio na migrantenan ku ta sea menor òf muhénan na estado pa evitá e riesgonan di paso klandestino pa Sentro Amérika dor di e mondinan di Darien.

Defensor di pueblo Carlos Camargo a pidi e pais bisiña e kreashon di un koredor ku ta fasilitá e tránsito di mucha, adolesente, muhénan na estado òf ku ta dunando lechi pechu, sin ku nan tin di eksponé nan bida”.

E petishon a keda hasi den un reunion ku outoridat  di munisipio di Necocli kaminda algun 20 mil migrante, mayoria di nan haitiano tabata warda pa subi nan kaminda den mondi na frontera ku Colombia i Panama.

Miles di biahero ku ta buska moda di yega Merka ta wantá sperando e kupo di boto pa nan krusa Golfo di Uraba. For di Acandi e migrantenan ta kuminsá un kaminda di entre 4 pa 5 dia na pia te pa e pueblo panameño di Bajo Chiquito.