WILLEMSTAD.- Djasabra awor e kompanianan Corendon, EXTRA i tambe FBTT Travel Curaçao, lo tin aktividat na Banda Abou unda lo repartí algun karchi pa próksimo weganan di selekshon di Kòrsou.
E aktividat ki lo kuminsá for di 9 or di mainta na Tera Kora. Despues lo sigui pa Soto i lo finalisá na Barber.
Riba plataforma di EXTRA lo bai tin mas detaye relashoná ku e aktividat aki na Banda Abou.
Esaki ta un inisiativa di e tres kompanianan aki, pa asina yuda fanátikonan yena Stadion Ergilio Hato pa e próksimo dos weganan di selekshon nashonal.
Corendon a hasi posibel tambe pa por tin un sekshon den stadion Ergilio Hato, kaminda tur fanátiko ku risibí karchi por sinta huntu.