WILLEMSTAD.- Kòrsou  lo keda sumamente enkantá i impreshoná ora  ku Coridja Stars Productions estrená su obra: "Kurason di un pueblo ".

Despues un temporada largu di preparashon, porfin henter Kòrsou lo por buska nan ticket di entrada pa nan por disfrutá di otro produkshon, di un pelíkula di nos mes, skirbí i dirigí pa nos mes hendenan i pa koroná obra komo anfitrion nos mes hendenan komo protagonista.

Un obra kaminda e grandioso fiesta di nos máksimo ekspreshon di alegria, ta keda presentá i tres’é riba pantaya fo'i kuminsamentu te final tresiendo e  diferente aspekto i detayenan di nos Karnaval pa historia.

Estreno di e pelíkula aki lo ta mañan, djaweps 4 di febrüari, na The Movies Curaçao den e sala IMAX.

Interesadonan por subi ‘online’ reservá nan ticket  riba www.themoviescuracao.com .

Kurason di un pueblo mir'é , i drenta den e mundu di Karnaval ku sigur tei pa keda!