WILLEMSTAD.- Ku un empate 1-1 ayera nochi ku Haiti, Costa Rica ta kue un punto i ta gana Grupo D di Liga-A di Concacaf Nations League. Tabata un empate ku ta permití pa Kòrsou finalisá na 2do puesto den e grupo i gana e derechi pa hunga Gold Cup den 2021. Pa Haiti, e empate ta nifiká ku nan ta degradá pa Liga-B.

Kòrsou sin duda tabata dependé di un “yudansa” di parti di Costa Rica pa keda bibu den e grupo i sigui partisipá na e nivel mas haltu di Concacaf. Esei a keda konkretisá ayera nochi na e pais sentroamerikano, kaminda Francisco Calvo a manda e ekipo di kas ariba 1-0 pa despues Duckens Nazan den mesun promé tempu empatá e wega.

Pais
H
G
E
P
Gol
Pt


Costa Rica
4
1
3
0
4-3
6


Korsou
4
1
2
1
3-3
5


Haiti
4
0
3
1
3-4
3

Resultadonan Concacaf Nations League

Grupo A: USA 4, Canada 1; Panamá 0, México 3.

Grupo B: French Guyana 3, St. Kitts & Nevis 1; Grenada 1, Belize 1; St. Lucia 1, Dominica 0; El Salvador 1, Montserrat 0.

Grupo C: Boneiru 1, Bahamas 1; Guadeloupe 10, Turks & Caicos 0; St. Martin 1, Barbados 0; Caymand Islands 1, Virgin Island 0; Guatemala 0, Pto. Rico 0.