WILLEMSTAD.- Partisipando pa mas ku 20 aña den Karnaval di Kòrsou, Crazy Diamonds Curaçao Carnival Group a presentá nan tema i trahenan pa Karnaval 2024.

‘Under Pressure’ lo ta e tema dje grupo.

Den bida tin momentu ku hende ta pasa dor di pruebanan duru ku ta okashoná strès i preshon. Ta netamente durante e periodo aki, bo ta deskubrí bo forsa i bo gana pa sigui pusha pa dilanti. Un piedra presioso ta haña su forma bunita, despues di pasa den strès i preshon, i wòrdu refiná. Den atversidat, bo ta konosé bo potensial real!

Meskos ku djamanta ta bria despues di "polish", asina hende ta bria despues di pasa den prueba. Crazy Diamonds ta kla pa bai bria.

E grupo lo keda kompañá pa dj Black.

Kontribushon pa partisipá na Karnaval 2024 ta 1250 florin i te dia 7 di desèmber 2023 bo tin chèns pa inskribí pa solamente 950 florin. E grupo tin un link tambe kaminda di forma digital por inskribí https://form.jotform.com/222495376841868