MERKA.- E éksitonan latino ‘Despacito’ i ‘Gasolina’ ta forma parti di e lista di e 100 mihó kansionnan di siglo 21 te awor, publiká pa e revista merikano Rolling Stone den su edishon di yüli 2018. E lista ku a keda diseñá pa artistanan, produktornan, krítikonan i ekspertonan di e industria diskográfiko ta keda liderá pa ‘Crazy in Love’, e promé single di e albùm di debut komo solista di e kantante Beyoncé den kua a kolaborá su awor kasa, Jay-Z. E tema ‘Despacito’ ku e kantaoutor portorikeño, Luis Fonsi a interpretá huntu ku su kompatriota, Daddy Yankee i ku a liderá e listanan di éksito pa algun siman éksitonan i ‘views’ di YouTube, ta ubiká na number 91. E vershon ku a keda skohe ta e ‘remix’ ku ta inkluí Justin Bieber. Daddy Yankee ta ripití na puesto number 100 di e ‘ranking’ ku Gasolina, produkshon músika ku ta keda konsiderá un punto di inflekshon den e asenso di reggaeton pa e dominio mundial. E sobránan dje Tòp 5 ta ‘Paper Planes’ di M.I.A. na # 2; ‘Seven nation Army’ di ‘The White Stripes’ na # 3 i ‘Hey Ya’ di Outkast na # 4.