WILLEMSTAD.- Preparashon ta kanando bon, pronostiko di wer ta indiká ku mañan anochi lo tin bon wer i awor ta abo falta pa kumpra bo karchi pa bo tei na Landhuis Brakkeput Mei Mei pa por disfrutá dje tremendo fiesta ku tres pianista riba 1 anochi.
‘Crazy Piano’ ku presentashon di Randal Corsen, Juni Juliet i Gino Coelho tin tur ingrediente di bira un anochi fabuloso kaminda kada un dje pianistanan lo presentá ku su kantantenan pa pone tur hende riba dansflur.
Porta ta habri for di 7 or di anochi i e show baliabel ta kuminsá pa 8 or i mei.
Ta pa promé biaha ku e tres pianistanan aki ta djòin otro den un presentashon i abo no por keda afó.
Karchinan ta optenibel na Mensing’s Caminada, van den Tweel Supermarket i na Beep Beep. Pa miembronan di ACU tin preis spesial, e karchinan aki ta optenibel solamente na Beep Beep. Pa reservashon di karchi VIP yama 513-2841, 685-0650 òf 565-7272.
Pone bo sapatunan di baila kla pa bo eksperensia e promé edishon di ‘Crazy Piano’.