LAS VEGAS, MERKA.- Ayera durante di un evento previo ‘Latin Grammy Awards’ e organisashon a hasi entrega di e premio na ‘Ekselensia Musikal’ na entre otro Cuco Valoy.
Cuco Valoy a risibí e premio for di man di su kolega i kompatriota, Johnny Ventura.
Apart di Valoy a duna rekonosementu tambe na Lucecita Benitez, Joao Bosco, Ilan Chester, Victor Heredia i Guadalupe Pineda.
Valoy ta e di kuater artista Dominicano ku ta risibí e distinshon aki, promé kuné a toka turno na Johnny Ventura, Joseito Mateo i Angela Carrasco.
Premio na ‘Ekselensia Musikal’ ta keda otorgá na artistanan ku a realisá kontribushon sin presedente i ku nifikashon ekstraordinario pa muzik Latino i komunidat Latino.
Awe nochi e di 18 edishon di ‘Latin Grammy Awards’ lo tuma lugá.