WILLEMSTAD- Extra a risibí informashon di Hensley Meulens ku Curaçao Baseball Week 2021 a keda kanselá debí na pandemia Covid-19. Hensley a bisa nos via un message ku a disidí algun dia pasá na kanselá e Baseball Week. Den desèmber ainda tabatin e propaganda den Sambil ets., pero e torneo a keda kanselá.  E Curaçao Baseball Week su meta ta trese hóbennan peloteronan di Kòrsou mas serka di e profeshonal i Big Leaguernan.  Beisbòl ta disiplina i perseveransia i ku esei bo por yega leu komo un pelotero profeshonal i mas mihó ainda bira un gran persona ku ta kontribuí positivamente na su pais. E hungadónan por kombersá ku e grandinan lokal den Beisbòl, tuma firma, saka pòtrèt, siña e básiko nan di e wega, haña tepnan bon durante e klínikanan. Último añanan coachnan tambe ta risibí klínika pa upgrade nan nivel di coaching den Beisbòl.