WILLEMSTAD.- E di tres edishon di Curaçao Culinair ta tuma lugá e wikènt aki, riba dianan 6 i 7 di aprel. E evento a bira un evento ku amantenan di kuminda no por pèrdè.
Riba tereno di Lanthùis Chobolobo na Saliña e mihó restorantnan di Kòrsou ta presentá nan menú ekstraordinario. Nan lo sirbi nan kumindanan delisioso i aperitivonan kulinario.
Restorantnan ku ta partisipá e aña aki ta: Baoase Culinary Beach Resort; Landhuis Chobolobo; Kyoto Sushi & Grill; Kokomo Beach; Mosa; Mood Beach; BijBlaauw; Koko’s; Restaurant Cristal; Madero Beach Club; Santa Barbara Beach & Golf Resort i Luke’s Cocktailbar.
Riba djabièrnè i tambe djasabra, Curaçao Culinair lo ta habri for di 5’or di atardi pa 12’or di anochi. Karchinan ta optenibel na Fun Miles, Mensing’s Caminada, Van den Tweel Supermarket na Jan Thiel i Zeelandia, Landhuis Chobolobo i na Bottles.
Pa mas informashon bo por bishita: wèpsait: www.curacaoculinair.com; Facebook: www.facebook.com/curacaoculinair; Instagram: www.instagram.com/curacaoculinair i
Twitter: www.twitter.com/@curacaoculinair