WILLEMSTAD.- Den wikènt tras di lomba, Curaçao International Crowned Queens, a koroná 4 damita ku pronto lo representá Kòrsou den eksterior. Alabes a koroná Shaquille Boeldak komo Mister Teen Curaçao International 2018.
Minister di Desaroyonan Ekonómiko, Sr. Steven Martina tabata enkargá ku e parti ofisial aki. Tur presente a disfrutá di presentashon di artistanan hóben i lokal: Steven Daniel, Rashid Felida i Ebony Albertus.
Fiona Jamanica a keda koroná komo Miss Teen Mundial Curaçao 2018 i lo biaha pa El Salvador.  Celia Klein, Miss Teen Americas 2018 tambe lo biaha pa El Salvador. Kares Alexander, un hobensita di 12 aña ku na Punta Cana lo partisipá na Miss Preteen Beauty World 2018. Na hermana isla Aruba, Jaidy Gomez lo ta representando Kòrsou na Miss Teen Tourism World 2018. Kòrsou, nan ta konta ku bo apoyo den lunanan benidero.