WILLEMSTAD.- Dia 2 i 3 di desèmber tras di lomba, Bushiri Karting Speedway na Aruba a organisá su último kareda di su Bushiri Point Series Karting Championship. Un total di 18 koredó di Kòrsou a bai i partisipá den e kareda aki. Kual Kòrsou a bin bèk ku ocho trofeo. E koredornan a manda nan kart nan, piesa i hèrmènt huntu den un kònteiner un par di siman promé, pa asina logra kore kareda ku nan mes kart i tin alabes nan hèrmèntnan huntu ku nan. Koredornan a kuminsá bula for di djamars di e siman di kareda, pa kuminsá train pa e kareda. Dia 2 (djasabra) tabatin un “warm up session”, pa despues pasa pa e klasifikashon. E tempu ku e koredó a klasifiká, ta disidí su posishon pa kuminsá e promé kareda (Heat 1). Dia 3 (djadumingu) tabatin e di dos kareda (Heat 2) mainta anto atardi tabatin e lastu kareda (Final). Despues di e kareda nan, tabatin entrega di premio. Tabatin seis kategoria. Den tur kategoria tabatin koredó di Kòrsou.

E siguiente kategoria Kòrsou a logra gana:

Mini:
1st Elijah Gouverneur   (Curaçao)
2nd Joshua Gouverneur   (Curaçao)

TAG Light: (Kòrsou a gana 1,2 I 3 den e kategoria aki)
1st Robert Reuijl Jr.
2nd Caleb Ruiz
3rd Angel Gonçalves

TAG Heavy:
1st  Cleymer Ramirez (Aruba)
2nd  Christopher Arends (Aruba)
3rd Michael Marugg Jr.  (Curaçao)

Tillotson 4-stroke:
1st   Andre Tromp  (Aruba)
2nd   Nathan Croes   (Aruba)
3rd Stefano Wever  (Curaçao)

Shifter:
1st Jarzinho de Coito Pita  (Curaçao)
2nd Darrel Werleman (Aruba)
3rd  Chris Beck  (U.S.A.)

Foto 3-10 Karting

...Algun foto durante e partisipashon di Kòrsou den kompetensia na Aruba...