WILLEMSTAD.- Jazz Meets Cultures ta nòmber di un konsepto úniko kaminda ku e músika Jazz ta topa kultura, mihó bisá nos géneronan lokal manera Tumba, Seú, Simadan, Tambú, Kizomba, Reggae, Ritmo Kombiná, Zouk i Son Montuno. Manera ya konosí, e konsepto aki ta keda tres’é dilanti den forma di un konsierto dia 23 di yüni próksimo den Landhuis Brievengat ku e meta pa rekoudá fondo pa por yuda nos hóbennan ku desaroyo di nan talento den músika i baile.
Faltando apénas 3 siman pa e evento, ta lansa un kampaña kaminda bo por gana 2 karchi di entrada pa e evento úniko aki. Pa gana ta masha fásil…. saka un ‘selfie’ ku un di e billboardnan di Jazz Meets Cultures ku tin na diferente sitio riba nos isla den background i post esaki riba retnan sosial ku e ‘hashtag’ #JMC2018. E post ku mas like, lo ta e ganadó, kua lo keda anunsiá otro siman djabièrnè dia 8 di yüni pa 6or di atardi.
Pa mas informashon, por bishitá Jazz Meets Cultures riba retnan sosial, yama 540-0111 òf e-mail info@jazzmeetscultures.com.