WILLEMSTAD.- Ounke tur spekulashon ku e aña aki a bai slou pa loke ta asistensia di públiko, mester bisa ku e tres anochinan di CNSJ a konta ku bon asistensia di públiko. Un kalkulo di mas o ménos 6 mil pa djaweps anochi kombiná ku un kantidat di mas o ménos 8 mil riba djabièrnè i djasabra (pa anochi) a disfrutá di 16 artista internashonal repartí riba tres tarima. Dje organisashon un biaha mas a resaltá e echo ku FBI i MOJO a pèrkurá pa tur kos kana masha bon mes. Artistanan a duna tremendo show i menshon spesial mester wòrdu hasí pa entre otro Silvestre Dangond riba djaweps; Sting i Shaggy, Patti Labelle, Jason Derulo i Daddy Yankee riba djabièrnè. Djasabra bo por bisa ku tur e artistanan a duna tremendo presentashon pero tòg bo mester hasi menshon spesial pa Grace Jones, Carlos Vives i Christina Aguilera ku a presentá riba tarima Sam Cooke i KC and the Sunshine Band riba Sir Duke stage kantu di awa. Un tremendo di 8 edishon di CNSJF, pabien na Fundashon Bon Intenshon i MOJO pa presentá un tremendo Festival. Komportashon di públiko tabata sublime. Ban kuminsá traha riba edishon # 9 !.