WILLEMSTAD.- Debí na tratamentu médiko pa un resien leshon, Sean Paul no ta den kondishon pa por presentá den Curaçao North Sea Jazz Festival.
Na su lugá e organisashon a logra pa kontratá e strea di reggaeton portorikeño, Daddy Yankee.
Daddy Yankee na 2004 a laga mundu tende di dje na momentu ku ‘Gasolina’ a bira un hit mundial. Su albùm ‘Barrio Fino’ a bira e albùm latino mihó bendí na mundu. Daddy Yankee tin mas ku 20 mion albùm bendí i a sa di gana un sin fin di galardon.
Aña pasa huntu ku e kantante Luis Fonsi, Daddy Yankee a produsí ‘Despacito’, kansion ku a bira un éksito mundial i ku a kibra tur rèkert di benta!.
Djabièrnè anochi riba Sir Duke stage kantu di awa, Daddy Yankee lo tin klousura dje di dos anochi di CNSJF na su enkargo.