WILLEMSTAD.- Ayera tardi a tuma lugá na Zeilhaven na Brakkeput e sertámen di ‘Miss Playa’ relashoná ku Curaçao Beauty Pageant 2018. E 6 kandidatanan a kompetí den trahe di baño i trahe di baño kreativo. Un bon públiko a presensia e sertámen i mester remarká bon partisipashon tambe di e kandidatanan. Dailin Viera a resultá e ganadó di e premio pa ‘Trahe di baño mas Impaktante’. Akisha Albert a keda komo promé finalista Miss Playa i Dailin Viera a gana e sertámen. Wikènt próksimo, 9 di sèptèmber lo tin e sertámen final di Curaçao Beauty Pageant 2018 den sala di eksibishon di WTC. Riba foto e presentashon dje partisipantenan i momentu di premiashon.