WILLEMSTAD – Outoridatnan mester a akudí ku urgensia awe mainta na e pòmp di gasolin na Santa Helena pa motibu di un kandela den e kasita unda e dama empleada ta sinta pa kobra. Esaki a sosodé na momentu ku e trùk di Curoil tabata abastesiendo e tankinan di gasolin na e pòmp aki. E shofùr lo a tende un eksploshon i despues a bin tuma nota ku den e kasita tabatin un kandela. E dama a risibí hopi kemadura i keda transportá ku urgensia pa hospital pa risibí tratamentu mesora. Bomberonan tambe a yega na sitio pa paga e kandela.